தவறான பொருளாதார கொள்கையும்! மனித உரிமை மீறல்களும்!

Dec 09: ஐக்கிய நாடுகள் சபையால் 1948 டிசம்பர் 10-ஆம் தேதி உலக அளவிலான மனித உரிமை பிரகடனம் அறிவிக்கப்பட்டது. இந்த நாளே மனித உரிமைகள் தினமாக கடைபிடிக்கப்பட்டு வருகிறது.

இந்நிலையில், வருகிற டிசம்பர் 10 தேதி மனித உரிமைகள் தினம் கடைப்பிடிக்கப்பட உள்ள வேளையில், ஐக்கிய நாடுகள் சபை இந்தியாவில் அதிக அளவில் மனித உரிமைகள் மீறப்படுவதாக தெரிவித்துள்ளது. இந்தியாவில் ஒடுக்கப்பட்ட அனைத்து தரப்பு மக்களும் தாங்கள் பாதுகாப்பாக இல்லை என்று நம்புவதாக ஐக்கிய நாடுகள் சபையின் ஹியூமன் ரைட்ஸ் கூறுகிறது.

மனித உரிமை மீறல்களை தடுக்க இந்திய அரசு உடனடியாக தலையிடவேண்டும் என்று மனித உரிமைகள் தொடர்பான வருடாந்திர அறிக்கையில் தெரிவிக்கப்பட்டுள்ளது. கடந்த 4 ஆண்டுகளில் பெருமளவில் ராணுவ ரீதியான துஸ்பிரயோகங்கள் நடந்துள்ளதாக அறிக்கை தெரிவிக்கின்றது “இந்தியாவில் பெருமளவில் பாதுகாப்பு படையினர் நிறுத்தப்பட்டுள்ளனர்.

பல்வேறு கறுப்புச் சட்டங்கள் அமல்படுத்தப்பட்டுள்ளன. சமூக பொருளாதார கொள்கைகளுக்கு எதிரான மக்கள் போராட்டங்களையும், அரசியல் எதிரிகளையும் அடக்கு ஒடுக்கவும், வளர்ச்சித் திட்டங்களை நடைமுறைப்படுத்தவும் அரசு இவற்றைச் செய்துள்ளது. ஆயுதப் படை சிறப்பு அதிகாரச் சட்டத்தை வாபஸ் பெறவேண்டும் என்று ஐக்கிய நாடுகள் அவை மற்றும் மனித உரிமை அமைப்புகளின் கோரிக்கையை அரசு இதுவரை பரிசீலிக்கவில்லை.

சட்டம் ஒழுங்கை பேணுகிறோம் என்ற பெயரில் சட்டத்தின் பாதுகாவலர்கள் அக்கிரமங்களுக்கு தலைமை வகிக்கின்றனர். போலி என்கவுண்டர்களும், அநீதமான சிறைக்காவல்களும், பாலியல் வன்கொடுமைகளும் நாட்டின் பல பகுதிகளில் நடந்தேறிவருகிறது. அமைதியான முறையில் போராடுபவர்களை கூட கொடுமைப்படுத்தும் செயல் நடக்கிறது” பொருளாதார வளர்ச்சியை குறிக்கோளாக கொண்டு அரசு மேற்கொள்ளும் நடவடிக்கைகள் மேலும் ஏழ்மையையும், மனித உரிமை மீறல்களையுமே உருவாக்குகிறது.

உலகில் அதிகமான மக்கள் பட்டினியில் வாடும் நாடுகளில் இந்தியாவும் ஒன்று. வளர்ச்சிக்கு பலியாகி வருடந்தோறும் பத்து லட்சத்திற்கும் மேற்பட்ட மக்கள் குடிபெயர்க்கப்படுகின்றனர். பொருளாதார வளர்ச்சி குறையும் வேளையில் அவசரக் கூட்டங்களை நடத்தி தீர்வு காண நடவடிக்கைகளை மேற்கொள்ளும் அரசு, சமூக பிரச்சனைகளை தீவிரவமாக கருதுவதில்லை. தவறான பொருளாதார கொள்கைக்காக மக்களை பழி கொடுகிறது இந்த அரசு.

தமிழா! நீ வேடிக்கை மனிதர்களை போல் வீழ்வாயோ?

தேடிச் சோறு நிதம் தின்று- பல
சின்னஞ் சிறு செய்கைகள் செய்து - மனம்
வாடித் துன்பம் மிக உழன்று -
பிறர்வாடச் செய்கை பல செய்து
கொடுங்கூற்றுக் கிரையெனப் பின் மாயும்
பலவேடிக்கை மனிதைரைப்போல
நானும்வீழ்வேன் என்று நினைத்தாயோ???

பாடிய பாரதி கிழப்பருவம் எய்துமுன்பே கூற்றத்தைத் தானே தேடிப்போனான்... பட்டினி நோயால் !!

தமிழன் பாடு அன்றுமுதல் இன்றுவரை இப்படியே.. தமிழ்த் தாத்தன் எங்கள் பாரதி அனைத்திற்கும் தலைக்கோல் !!!! தானே மாய்ந்தான் பசித் துயரால் .......

சில வீணைகள் பிறக்கும் போதே பதியப்படுகிறது.. புழுதியில் எறியவென வருங்காலத்தில் தமிழன் கிழடுதட்டி சாவது மிகவும் குறைந்துவிடும்!! ஏனெனில் அதற்கு முன்பே அவனை மூட்டைக் கட்டும் முயற்சிகள் அனைத்தும் நம் அரசியல் வியாதிகள் பேராதரவுடன் நம் கண்முன்னே நடந்தேறி வருகிறதே..??

கருநாடகமும், ஆந்திரமும் கொண்ட தயாள மனத்தினால், குருவையும் சம்பாவும் கைவிட ..தாளடி தாளம் தப்பிய மழையில் ததிங்கிணத்தோம் ஆட. கைய சுட்டு காலை சுட்டு நட்டுவச்ச சொச்சமும் , ஏரிக்குள்ளும் குளத்துக் குள்ளும் கோடுபோட்டு பிளாட்டு போட்ட புண்ணியவான்கள் புண்ணியத்தால்.. வடிகால் இல்லாத வெள்ளத்தில் மூழ்க.. வேடிக்கை பார்க்கும் அரசு வேகாத சோறு தரும் கஞ்சித் தொட்டியில்..!! அதை வாங்க வரிசைகட்டி நிற்கும் நம் தமிழன் பசிகொண்ட சகமனுசன் காலில் மிதிபட்டு சாவன்..!! செத்தவனுக்கு நஷ்ட ஈடு வாங்கும் கூட்டத்திலும் நொந்து சாவன் !!

கிடக்கறது கிடக்க கிழவனைத்தூக்கி மனையில வெச்ச கதையா, உள்ளூரு பிரச்சினையே தலைக்குமேல் இருக்க, கூடங்குளம் அணு உலையும் தன பங்குக்கு தன வேலையைக் காட்டும்..யப்பான் நாட்டில் நடந்தது போல..!!போதாக் குறைக்கு வந்திருக்கே , "பிசாசுத் துகள் " என செல்லப் பெயரால் வழங்கப்படும் நியூட்ரினோ ஆய்வகம்!! தேனீ மலையைக் குடைந்து பிசாசுத் துகளை வடிகட்டி ஆராய்ச்சி நடத்தப் போகிறார்கள் நம் விஞ்ஞான மாமணிகள்!! விஷயம் தெரிந்த கேரளம், வங்காளம்,ஓடிசா எல்லாரும் துரத்தியபிறகு..தமிழன் ரொம்ப நல்லவன்டா எனத் தெரிந்துகொண்ட பிசாசு தேனியைப் பிடித்திருக்கிறது ...!

இதெல்லாம் கொஞ்சம் கொஞ்சமாக் கொல்லுதாம் தமிழனை, ஒரேடியாக் கொன்னுகுவிச்ச ராஜபக்சேவின் ராணுவத்திற்கு பயிற்சி கொடுக்க இன்னும் முதல் வரிசையில் நிற்கிறது இந்திய அரசு..! இப்போதும் விருந்தாளியாக சிறிலங்கா போயிருக்கிறார் இந்தியத் தளபதி...!!!! தமிழன் கிழடுதட்டி சாகமாட்டான் அதற்கு முன்பே அவனுக்கு காத்திருக்கிறது பரலோகம் வைகுண்டம்..இன்னும் பல வாயில்கள் என்று இப்போதேனும் நம்புவீர்களா..?? இன்னும் கட்டியங்கள் வேண்டுமா என் இனிய தமிழ் மக்களே..?????!!!

ரௌத்திரம் பழகு

...யாழினி...

கொடிக்கு கொடுக்கும் மரியாதை கூட தமிழனுக்கு இல்லை!

Oct 27: தேசியக் கொடியை சூரிய உதயத்தின் பின் ஏற்றி சூரிய அஸ்தமனத்திற்கு முன் இறக்கிவிடவேண்டும். கொடியை இறக்கும் பொழுது, மெதுவாக தரையில் படாமல் கைகளில் ஏந்தி எடுக்க வேண்டும். இரவு நேரங்களில் தேசியக் கொடியை ஏற்றுவதோ, பறக்க விடுவதோ கூடாது.

ஆனால் சுதந்திர தின பொன்விழா, வெள்ளிவிழா போன்ற நிகழ்சிகளில் பறக்க விட அனுமதி உண்டு. தேசியக் கொடியை ஊர்வலத்தில் எடுத்துச் செல்லும் போது முதல் வரிசையில் வலது புறத்தில் எடுத்துச் செல்ல வேண்டும்..

வேறு கொடிகள் முன்வரிசையில் இருந்தால் ஊர்வலத்தின் முன்னே நடுவில் எடுத்துச் செல்ல வேண்டும். சாயம் போன தேசியக்கொடியை பயன்படுத்தக் கூடாது. முக்கியஸ்தர்களுக்கு மரியாதை அளிப்பதாக கருதி தேசியக் கொடியை தாழ்த்தி பிடிக்கக்கூடாது.

சிந்திக்கவும்: உயிரில்லாத துணியிலான ஒரு கொடிக்கு கொடுக்கும் மரியாதையை கூட உயிருள்ள தமிழனுக்கு கொடுப்பதில்லை நமது இந்திய அரசு. இந்த கொடியினால் உருவாகும் தேசபக்தி இந்த தேசபக்திக்கு விலை ஈழத்திலே படுகொலை செய்யப்பட்ட இலச்சக்கணக்கான உயிர்கள்.

தேசபாதுகாப்பு என்று சொல்லி ஆயுதங்களில் பல்லாயிரம் கோடிரூபாய்கள் முடக்கப்பட்டு அவை துருபிடித்து போகின்றன. மனிதர்கள் வாழ்வதற்குத்தான் நாடும், சட்டங்களும் ஆனால் இங்கே மனிதர்களை கொன்று வேற்று தேசியமும், தேசபக்தியையும் வைத்து என்ன செய்ய?

காவிரியில் இருந்து நமக்கு தண்ணீர் கிடையாது, தமிழக மீனவர்களை இலங்கை ராணுவம் கொன்று குவிக்கும்போது நமது கடல்படையால் நமக்கு பாதுகாப்பு கிடையாது, கொடிக்கு கொடுக்கும் மரியாதை கூட தமிழ் இனத்திற்கு இல்லையா?

ரௌத்திரம் பழகு

...யாழினி...

டெங்கு காய்ச்சலை தடுப்பது எப்படி?

Oct 26: தமிழ் நாடு முழுவதும் டெங்கு காய்ச்சல் மிக வேகமாக பரவி வருகிறது. டெங்கு காய்ச்சலைக் கட்டுப்படுத்துவது குறித்து மக்களிடையே போதிய

விழிப்புணர்வுப் பிரச்சாரம் நடத்தப்படவில்லை என்றே சொல்லலாம்.

டெங்கு காய்ச்சலை உருவாக்கும் ஏடிஸ் கொசு எப்படி பிறக்கிறது? இது கடித்தால் என்னவாகும்? டெங்கு ஏற்படுவதற்கான அறிகுறி என்ன? வராமல் தடுப்பது எப்படி? வந்தால் தடுப்பது எப்படி?

வழக்கமாக கொசுக்கள் தேங்கி கிடக்கும் கழிவுநீரில் இருந்து உற்பத்தி ஆகும். ஆனால் ஏடிஸ் கொசு தேங்கி கிடக்கும் நல்ல தண்ணீரில் இருந்து உற்பத்தியாகும் ஒரு பூச்சி வகையை சேர்ந்தது. தேங்காய் சிரட்டைகள், தெருவில் வீசப்பட்ட பிளாஸ்டிக் கப்கள், பழைய பாத்திரங்கள், ஆட்டு உரல்கள் போன்றவற்றில் தேங்கி இருக்கும் மழை நீர் மூலம் இந்த கொசுக்கள் உற்பத்தி ஆகிறது. இவை பெரும்பாலும் வீட்டிற்குள்ளும் வீட்டை சுற்றியும் அதிகமாக வலம் வரும்.

இந்த வகை கொசுக்கள் நோய் எதிர்ப்பு சக்தி குறைந்த நபர்களையோ, குழந்தைகளையோ கடித்தால் உடனடியாக அவர்களை டெங்கு காய்ச்சல் தாக்கும் அபாயம் உள்ளது. பெரும்பாலும் இந்த கொசுக்கள் குழந்தைகளை கடிக்கும்போது எளிதில் நோய் தாக்குதலுக்கு ஆளாவர். ஒருவரை ஏடிஸ் கொசு கடித்தால் முதலில் காய்ச்சல் வரும். உடல் வலியுடன் எலும்புகளிலும் வலி ஏற்படும். இப்படி ஏதாவது உடல் வலிகள் தொடங்கும்பட்சத்தில் அது டெங்கு காய்ச்சலுக்கான அறிகுறி என்று அர்த்தம். உடனடியாக அரசு ஆஸ்பத்திரிக்கு சென்று உரிய சிகிச்சை மேற்கொண்டு டெங்கு காய்ச்சலில் இருந்து விடுபடலாம்.

இந்த நோய் எளிதில் குணப்படுத்த கூடிய நோய். அதே நேரத்தில் போதிய சிகிச்சை எடுத்துக் கொள்ளாமல் காய்ச்சல் தொடர்ந்து நீடித்தால் உயிரிழக்கும் அபாயமும் உள்ளது என்பதை மக்கள் புரிந்துகொள்ள வேண்டும். இந்த நோய் முற்றிய நிலையில் இதே கிருமிகள் ரத்தத்தில் உள்ள பிளட்லெட்களை சாப்பிடும். இதனால் மனித உடலில் உள்ள ரத்தம் உரையும். வாய், மூக்கு என உடலின் பல்வேறு பகுதிகளில் ரத்த கசிவு ஏற்படும். இதனால் விலைமதிக்க முடியாத உயிர் இழப்பும் ஏற்படும். அதனால் இந்த நோய்க்கான அறிகுறி தென்பட்டவுடன் உரிய சிகிச்சை மேற்கொண்டு உடல்நலத்தை காத்துக் கொள்ளலாம்.

சிந்திக்கவும்: சுற்றுப்புறத்தை மழைநீர் தேங்காமல் சுத்தமாக வைத்துக் கொள்ளுதல் மூலமாகவும், வீட்டிற்குள் கொசுவராமல் தடுப்பாக ஜன்னலில் கொசுவலைகளை பயன்படுத்துவது, கொசு ஒழிப்பான்கள் பயன்படுத்துவதன் மூலமும் டெங்கு காய்ச்சலை ஏற்படுத்தும் ஏடிஸ் கொசுவை விரட்டி நோய் வராமல் தடுக்கலாம். அரசு இயந்திரங்களை நம்பாமல், பொதுமக்கள் சுகாதாரமாக, விழிப்புணர்வோடு இருந்தால் டெங்கு கொசுவை ஒழித்து காய்ச்சல் வராமல் தற்காத்து கொள்ளலாம்.

இழிவான வழியில் விளம்பரம் தேடும் நடிகர் சரத்குமார்!

Oct 22: கூடங்குளம் அணுஉலையில் மின் உற்பத்தியைத் தொடங்க வலியுறுத்தி அக். 31-ம் தேதி அகில இந்திய சமத்துவ மக்கள் கட்சி சார்பில் திருநெல்வேலியில் உண்ணாவிரதப் போராட்டம் நடைபெறுகிறது என கட்சியின் தலைவர் ஆர்.சரத்குமார் தெரிவித்துள்ளார்.

"ஏன் வேண்டும் கூடங்குளம்' என்பதை வலியுறுத்தி தமிழகம் முழுவதும் பொதுக்கூட்டங்கள் நடத்தப்படும். கூடங்குளம் அணுஉலையின் பாதுகாப்பு குறித்து விளக்கப் புத்தகம் அச்சடிக்கப்பட்டு பொதுமக்களுக்கு வழங்கப்படும். கூடங்குளத்தில் விரைவில் மின் உற்பத்தியைத் தொடங்கக் கோரி எனது தலைமையில் கோயம்புத்தூரிலிருந்து கூடங்குளம் வரை விழிப்புணர்வு வாகனப் பிரசாரம் மேற்கொள்ளப்படும்.

கூடங்குளம் அணுமின் நிலையம் குறித்து உதயகுமாருடன் விவாதிக்கத் தயார். காவல்துறை மீது தாக்குதல் நடத்துவது, சாதி உணர்வுகளைத் தூண்டிவிட்டு தமிழகத்தின் அமைதிக்கு குந்தகம் ஏற்படுத்துவது போன்றவற்றை உதயகுமார் கைவிட வேண்டும். முன்னாள் குடியரசுத் தலைவர் அப்துல்கலாம் கூறியிருப்பதுபோல், கூடங்குளம் அணுமின் நிலையம் மிகவும் பாதுகாப்பானது என்பதை அனைவரும் நம்புவோம் என்று கூறினார்.

சிந்திக்கவும்: கலை கூத்தாடிகளின், கடைசி புகலிடம் அரசியல் என்று ஆகிவிட்டது. இவர்கள், அரசியலில் வந்து அடிக்கும் கூத்துக்கு அளவே இல்லை. பெரும்குடிகாரர் விஜயகாந்த் அரசியலுக்கு வந்து எதிர்கட்சி தலைவராக இருந்து பின்னர் செல்லாகாசாகி போனார்.

இந்த கூத்தாடி சரத்குமார் கட்சி ஆரம்பித்து எதுவும் சிறப்பாக சாதிக்க முடியவில்லை. கூடங்குளம் அணு உலையை ஆதரிப்பது மூலம் பெயரும் புகழும் அடையலாம் என்று தப்பு கணக்கு போடுகிறார். மக்கள் போராட்டத்தை சாதிய போராட்டம் என்று கொச்சைபடுத்தியது மூலம் நடிகர் சரத்குமார் ஒரு இழிவான பேர்வழி என்பது நிரூபனம் ஆகிறது.

கூடங்குளம் அணு மின்நிலையம் பாதுகாப்பானது என்று புத்தகம் அடித்து வெளியிட போகிறாராம். அணுவையும், குழந்தைகளையும் நேசிக்கும் அதிசய விஞ்சானி அபுல்காலாமும் அவரது விஞ்சான கூட்டமும் கூடங்குளம் அணு உலை எதிர்ப்பாளர்களுக்கு பதில் சொல்லாமல் ஓடி போயி விட்டார்கள். இப்பொழுது திடீர் என்று முளைத்திருக்கிறார் இந்த சரத்குமார். முதலில் தோழர் முத்து கிருஷ்ணன் பேசி இருக்கும் விடியோவிற்கு முதலில் பதில் சொல்லட்டும் பின்னர் இவர் கூடங்குளம் அணு உலை எதிர்ப்பு தலைவர் உதயகுமார் மற்றும் நண்பர்களுக்கு சாவல் விடட்டும்.

குறிப்பு: அணு உலைகளின் தீமைகள் குறித்து அறிந்து கொள்ள சிந்திக்கவும் இணையத்தில் வலதுபுறம் இணைக்கப்பட்டுள்ள தோழர் முத்து கிறிஷ்ணனின் விடியோவை பாருங்கள்

நவசக்தி நாயகி

http://jaghamani.blogspot.com/2012/10/blog-post_18.html




 நவசக்தி நாயகி
மதுரை மீனாட்சியாக, 
காஞ்சி காமாட்சியாக, சமயபுர மாரியம்மனாக, 
கன்னியாகுமரியில் கன்னியாகுமாரி ஆக 

காசியில் விசாலாட்சியாக, 
சிதம்பரத்தில் சிவகாமியாக, 
கேரளத்தில் பகவதிஅம்மனாக, 
கொல்கத்தாவில் காளியாக, 
திருக்கடவூரில் அபிராமியாக, 
திரிபுரசுந்தரியாக, மந்திரினியாக, சியாமளாவாக 
இமயத்தில் பார்வதியாக,
ஆனைக்காவில் அகிலாண்டேஸ்வரியாகவும், 
சாரதாவாக 
மைசூரில், சாமுண்டேஸ்வரியாக, 
நீலியாக, சூலியாக, 
அஷ்டலட்சுமியாக, 
மகிஸாசுரமர்த்தினியாக  வணங்குபவர்களுக்கு எல்லாவித அருள் சித்திகளையும் சக்திகளையும் வர்ஷித்து அருள்பாலிக்கிறாள்..

நவநாயகிகளின் அருள் பெற கொண்டாப்படுவது  நவராத்திரி விழா..

கார்பசேவ் போல் வாக்கெடுப்பு நடத்துவாரா? மன்மோகன் சிங்!

Sep 25: எக்காரணத்தைக் கொண்டும், எந்த நேரத்திலும், தமிழகத்துக்கு தண்ணீர் விடும் முடிவை, கர்நாடகா மேற்கொள்ளக் கூடாது' என, மாநில அரசை வற்புறுத்தி, பா.ஜ.க.வினர் பெங்களூரில் போராட்டம் நடத்தினர்.

தமிழக பாரதிய ஜனதா கட்சி இதற்க்கு என்ன சொல்லப் போகிறது. ஒன்று தண்ணீர் விட வேண்டும் என்று போராட்டம் நடத்துவார்கள், இல்லை என்றால் நம்ம ஆள் சொல்லி விட்டானே என்று மவுனம் காப்பார்கள்.

காவேரி நதி நீர் பிரச்சனையில் இதுவரை வந்த தீர்ப்புகள் அனைத்தையும் கர்நாடகா அரசு காலில் போட்டு மிதித்தே வந்துள்ளது.  தமிழ் நாட்டில் இருந்து தயாராகும் மின்சாரத்தை மட்டும் மத்திய அரசு பிடுங்கி கர்நாடகா, கேரளா, ஆந்திரா எல்லோருக்கும் தாரைவார்த்து கொடுக்கிறது.

ஆனால் நமக்கு தேவையான தண்ணீரை மட்டும் அவர்களால் பெற்று கொடுக்க முடியவில்லை. இதற்க்கு எதற்கு நடுவண் அரசு என்று ஒன்று தேவையா? தமிழ் நாட்டில் இருந்து உற்பத்தியாகும் மின்சாரத்துக்கு பதிலாக நாம் பண்ட மாற்று என்கிற அடிப்படையில் தண்ணீரை பெற்று கொள்ள முடியும். கையாலாகாத மத்திய அரசால் நமக்கு என்ன பிரோஜனம்.

மீண்டும் பழைய காலங்களில் அரசர்கள் பண்ட  மாற்று முறையில் வளங்களை பகிர்ந்து கொண்டது போல் பகிர்ந்து நாம் சிறப்பாக வாழ முடியும். மன்னர் காலங்களில் இருந்த செழிப்பு கூட இப்போது இல்லை. இதற்க்கு ஏன் மத்திய அரசு என்ற ஒன்றின் கீழ் நாம் வாழவேண்டும்? இதற்க்கு எதற்கு ஒருதேசம்? மாநிலங்களுக்குள் சமநிலை பேணாத ஒரு அரசின் நிழலில் வாழ்வதால் நமக்கு என்ன நன்மை?

ரஷ்யாவில் கார்பசெவ் செய்தது போல் மக்களிடையே வாக்கெடுப்பு நடத்தி ரஷ்ய குடியரசை விட்டு பிரிந்து போக விருப்பம் கொண்டவர்கள் போக அனுமதி அளித்ததுபோல்,  இந்தியாவில் உள்ள மாநிலங்களிலும் வாக்கெடுப்பு நடத்தப்பட வேண்டும். அப்போதுதான் நமக்கு தெரியும் எத்தானை மாநிலங்கள் தனிநாடாக பிரிந்து போகிறது என்று. போலி சித்தாந்தங்கள் மூலம் மக்களை அடக்கி ஒடுக்கி வைப்பதற்கு பதிலாக இப்படி மக்களின் உண்மையான விருப்பத்தை அறிந்து கொள்ள பிரதமர் மன்மோகன் சிங் வாக்கெடுப்பு நடத்துவாரா?